काही झक्कास अप्लीकेशनस !!

कम्प्युटर वा ईंटरनेट वापरतं असताना बर्‍याच वेळा असं जाणवतं ...अरे " असं करता आलं असतं तर ? " किंवा " असं एखादं सॉफ्टवेअर असतं तर ?". मग सुरु होतं गुगलींग. गुगलींग करता करता अशी अनेक अप्लीकेशनस सापडली. त्याबद्द्ल आज मी लिहणार आहे.

१. डिग्सबाय ( digsby )

Yahoo ,Google Talk, MSN अश्या वेगवेगळ्या मेसेंजरवर लॉगिन करुन चॅट करताना नेहमी वाटायचं एक कॉमन मेसेंजर असता तर ? त्यावर उत्तर मिळालं..
"digsby आहे ना भाऊ !! " digsby वापरुन AIM, MSN, Yahoo, ICQ, Google Talk, Jabber वर चॅट तर करता येतेचं शिवाय Facebook, Twitter, MySpace , LinkedIn ह्यांसारख्या सोशल नेटवर्किंग साईट्सचे अपडेट्स पण पहाता येतात.

डाऊनलोड लिंक : डिग्सबाय


२. व्हिस्टा स्टार्ट मेनु ( Vista Start Menu )

स्टार्ट मेनुचा तोच तोच लूक पाहुन कंटाळा आलाय ? मगं
" व्हिस्टा स्टार्ट मेनु " नक्की वापरुन पहा. विंडोज व्हिस्टा आणि विंडोज एक्स्पी ह्या दोन्ही ऑपरेटींग सिस्टमवर कॉम्पॅटीबलं असणारा हा स्टार्ट मेनु फक्त लूक बदलत नाही तर काही जास्तीचे पावर ऑप्शनही देतो.


डाऊनलोड लिंक : व्हिस्टा स्टार्ट मेनु
व्हिस्टा स्टार्ट मेनु बद्द्ल मला shoutmeloud येथे कळाले.


३. माय फोन एक्सप्लोरर ( My Phone Explorer )

सोनी ईरिक्सनचे मोबाईल हॅन्डसेट वापरणार्‍यांसाठी
" माय फोन एक्सप्लोरर " ही एक जबरदस्त युटीलीटी आहे. ह्या सॉफ्टवेर द्वारा आपला सोनी ईरिक्सन फोन पीसीसुट पेक्षाही उत्तमप्रकारे कम्प्युटरसोबत सिंक्रोनाईज करता येतो. जसे आपले कॉन्टॅक्ट्स आऊट्लुक सोबत जीमेल कॉन्टॅक्ट्स बरोबर सुद्धा सिंक्रोनाईज करता येतात. कॅलेंडर ईव्हेण्ट गुगल कॅलेंडरसोबत सिंक्रोनाईज करता येतात.आपला फोन कम्प्युटरला जोडुन कम्प्युटरमधुन SMS वाचु शकतो, सेव्ह करु शकतो आणि टाईप करुन पाठवुही शकतो. ईतकेच नाही तर कम्प्युटरमधुन कॉलसुद्धा करु शकतो.



डाऊनलोड लिंक : माय फोन एक्सप्लोरर


४. पीडिफ ९९५ ( PDF 995 )

बर्‍याचदा वर्ड फाईल ईमेल्मधुन पाठवल्यानंतर समोरच्याकडे ओपन केल्यानंतर फाईलच फॉरमॅटींग बदलते. कधी कधी फॉन्ट्सपण बदलतात. ह्यावर ऊपाय म्हणजे पीडिफ पाठवणे. आपण पाठवलेल्या फाईल मध्ये कुणी बदल करु नये असे वाटत असल्यास पीडिफ पाठवणे अतीऊत्तम. पीडिफ ९९५ हा व्हर्च्युअल प्रिन्टर वापरुन आपण सर्वप्रकरच्या फाईल्स अगदी सहजपणे पीडिफ फॉरमॅट मधे सेव्ह करु शकतो.प्रिन्ट कमांड दिल्यानंतर हा व्हर्च्युअल प्रिन्टर सिलेक्ट करायचा की कोणतीही फाईल पीडिफ फॉरमॅट मधे सेव्ह होते. आहे ना झक्कास !!

डाऊनलोड लिंक : पीडिफ ९९५

५. यूट्यूब हाय-डेफिनेशन डाऊनलोडर :

यूट्यूबवरील व्हिडीओ एचडी फॉरमॅटमध्ये डाऊनलोड करायचे आहेत ? साधी-सोपी टेक्नॉलॉजी नक्की वाचा.


तुर्तास एव्हढेच .. अजुन काही अप्लीकेशनस पुढच्यावेळेस !!! तोपर्यंत ही अप्लीकेशनस वापरुन पहा आणि कमेन्ट्स टाकायला विसरु नका !!

Be a Fan

नविन लेख इमेल द्वारे मिळवण्यासाठी खालील रकान्यात तुमचा इमेल पत्ता द्या.:

सौजन्य : फीडबर्नर